Kipang Kacang Ajaib

Untuk pengisi buku Rp 25, kami diminta menyumbang cerita lucu dimasa SMA. Namanya juga kisah lucu isinya harus lucu dong. Dalam cerita itu berkisah tentang kebosanan penulis dalam pelajaran kimia menjelang ujian akhir sekolah. Tulisan dalam bahasa Minang. Jadi tidak semua pembaca bisa memahami isinya. Kalau dialihkan ke Bahasa Indonesia, kisahnya jadi tidak lucu lagi.
Yang saya tampilkan diblog ini adalah original, tapi di buku alumni sudah diedit beberapa kata oleh teman-teman penyunting naskah.
...............................................................................................................................................................

Udaro dingin tapi matohari agak manyangek katiko kelas kami harus belajar tambahan sapulang sakola. Karano alah kelas 3 SMA alah dakek pulo ka EBTANAS, yo banyak les ini itu nan kadi ikuti. Lah larak abuak dek baraja. Apolai baraja kimia pulo. Ondeh lah bacampua greg dan mol jo rumus vector antah nama pulo dalil pitagoras  disambuang pulo alpha pangkat 4, yo lah taangguak-angguak kapalo kawan – kawan.

Wakatu itu baraja tambahan kimia jo pak Khairi. Kawan-kawan serius bana mandanga. Nan ambo gelisah antah mungkin pandangaran waktu itu agak taganggu. Mungkin lah panuah isinyo. Atau suaro pak Khairi terlalu lembut sahingga greg dan mol nan manjadi topic hari tu barubah ditalingo ambo manjadi kipang kacang. Eee jauah na melesetnyo kaji yo.

Heran ambo maliek kawan-kawan sakali ko diam seribu basa. Biasonyo muluik kawan-kawan ko agak susah di antokan, sakali ko elok laku. Tingga ambo surang sajo mungkin nan kalimpasiangan ndak ado kawan nan bisa diajak maota. Samantaro pejaran tu indak manarik samo sekali.

Daripado tenggen surang, takanalah didalam tas ado saplastik kipang kacang nan kadimakan jam istirahat. Mako tabik lah pangana mangaluaannyo dan makan sambia mandok dibaliak buku. Digigik kipang tu , malakek pulo gigi disinan. Baa caro mangunyahnyo dek kipang ko sangaik liek. Setelah beberapa saat akhirnya lai lapeh juo dari gigi. Untuang indak tacabuik gigi sangkek tu. Aaa tabik pangana manggaduah kawan-kawan lain nan asyik dalam lamunannyo masiang-masiang ( yakin ambo indak ado nan mamparatian guru doh, mungkin lah tabang ka pasa ateh pangana urang ko). Mako ambo mulai mangedarkan kipang kacang ko ka sabalah kida dan ka suok, kamuko jo kabalakang . Lah manakua dalam-dalam . Mungkin dek basarobok jo kipang ajaib ko mako kapalo kawan ko makin manunduak…haaa …lah basitungkin  malapehan gigi nan terjebak dikipang kacang tu.

Akhirnyo kelas yang sunyi senyap hanyo suaro pak Khairi sajo nan tadanga, barubah lah jadi cekikikan , sambia kapalo kawan nan jadi korban lah teleng-teleng…Namun pak Khairi taruih juo manarangkan indak tapangaruah jo kelas nan lah mulai kasak-kusuak.

Sayangnyo ambo lupo sia sajo nan jadi korban, hmmm ….. nan duduak dakek ambo Mutia Farina dan Hasty Walasti,….bisa dibayangkan uni-uni nan manih-manih ko mairik-irik kipang kacang tu supayo lapeh dari gigi mereka….sudah tu tasambua galak wuahahaha…..

Selamat bereuni Perak 25 tahun, (1988 - 2013 Jalinan nan Indak Putuih,.........(.Bali kipang kacang wak nah)